سحب جائزة "الشيخ زايد" من كاتب جزائري لاتهامه بالسرقة الأدبية

توب توب يا بحر

توب توب يابحر .. توب توب يابحر .. أربعه والخامس شهــر

تـوب تـوب يابحـر .. تـوب تـوب يابحـر .. هـات عيالنـا من البحــر

تـوب تـوب يابحــر .. تــوب تــوب يابحـر

ماتخـاف من الله يابحــر .. ماتخـاف من الله يابحـــر
يا صاجه و يا صاجه ما صدق دق

ويا خوي محلا الخشب  لو نزلت السيف

كله صبيان تير المياديف

يا نوخذاهم لا تصلب عليهم

ترا حبال الغوص قصص إيديهم

يا ليتني دهينه وأدهن إيديهم

يالمحرمه ياللي على الراس طيري

طيري على جاسم واتكسري له

يانواخذهـم لاتـصلب عليهـم .. يانواخذهــم لاتصلب عليهـم

ترى حبال الغوص قطعـت إيديهــم

تـوب تـوب يابحــر .. تــوب تــوب يابحــر

ياليتني فوق الدقـل حمـامــه .. ياليتني فوق الدقـل حمـامــه

أبشـر ياغــواص بالسـلامــه .. أبشـر ياغــواص بالسـلامـــه

ياليتني إدهينـه وأدهـن إيديهـم .. ياليتني إدهينـه وأدهـن إيديهـم

وياليتني خيمـه وأخيم عليهـم .. وياليتني خيمـه وأخيم عـليهــم
....يا اللومي ، هات بن رومي
يا القاز ، هات بوقماز
يالليان ، هات بونيان
يا رمان القطيفي ، هات عبالللطيف
يا الدانه ، جري شملان من اذانه
يا اليوهره ، هاتي حسين من ابحره
يا الجربيت ،،، هات محمد العرفيت .....
الرومي = امير الغوص المرحوم راشد الرومي

حسين = المرحوم حسين بن علي آل سيف
شملان .= المرحوم شملان بن علي اخو حسين بن علي
كليناالخاكه
العنب الخاكه او خاكة العنب هي حبات العنب المنفرطة من عناقيدها التي كانت تباع بسعر أدنى بكثير من سعر عناقيد العنب


هـذي الأغنيـه يغنونهـا حريم لأول قبل موعـد القفـال بحوالي ثلاثة أو أربعة أسابيع

يعني ( شهـــر ) .. يعتبر يوم القفـال يوم مهـم جداََ خاصة عند الأهـالي اللي لهم عيال ورياييل

داشين الغـوص ينتظرون ردتهم الديرة على أحر من الجمـــر ..

يبدون الحريم والبنات يغنون هالأغنيه مثل ماذكرت قبل موعد القفال بشرط يكون عقب المغــرب ..

بحيث يتجمعون صوب السـِيف .. وتشرف على الغناء إمراءه قويـه ونشيطه تتحمل المسؤوليه

عن جميع النساء .. أما الحريم الباقي يبدون بجمع الحطب وسعف النخل ويستخدمونهـا لأشعـال

النـار .. وبعدهـا يوقفون على هيئة دائريه متحركـه وينشدون بعض الأناشيد والأهـازيج اللي أهمهـا

توب توب يابحــر ..،،



( القصد من هـالأغنيــــه )

تخويف البحـر وتأديبـه وتهـديده !! لأنه السبب في فـراق أهلهم الذي طـال عنهـم

أيام وليالي .. وفي إعتقادهـم إن بجيتهم للبحر وتخويفه بيرجع أهلهم لهـم !!

سالمين غانمين بالولو والخيـــر محمليــن ..


( سبب حملهم سعف النخيـل المشتعــل )

سبب طريـف ويدعو للغرابه والإستغراب !! هالسبب يخليهم يطلعون

اللي في صدورهم وقلوبهم من مشاعر جياشه وعاطفه وفراق وغيره .. حيث إعتادوا على

ضرب البحر وحرقه وكيه بالنـار ( يجوونـه ) .. علشان يحس باللوعه والفراق اللي يحسون فيه !!



( ماسألتوا نفسكم !! شسالفه القطوووه !! ) هالقطوه الله يسلمكم يلبسونهـا قطعه من مشموم تتعلق على رقبتهـا

وتقوم وحده من الحريم بشرط تكون شجاعه وقويه ..

بثقب أذن القطـه وتحط في أذنهـا خـرز.. وبعض الحريم يغطسون القطووه في البحر

عدة مرات والقصد تنجيس البحر بهـا !!.. وبعدهـا تقوم المره القويه بشد أذن القطه

بشده فتصرخ من الألـــم ( ميـــــاو ...ميـــــاو ..ميــاو ) فترد النساء أجمع بالقول

( يـاو .. يـاو .. يــاو ) يعني جاؤا جاؤا !! والطرف الآخر من النساء يقومون بحرق البحر بالسعف

علشان يحس بالألم اللي يحسون فيه .. والبعض الآخر يحذف ويلقي الحجارة :الحصـا : عليه

أو يصبون فيه عشرج ( حـلول )

ويرجع أهلهم ساليمن غانمين بالولو محملين